تعلم الفرنسية في وقت قياسي

السلام عليكم ورحمة الله

انا اعتذر لما حصل في الموضوع السابق -اسرار اللغة الانجليزية السبع- لاان الروابط كانت خاطئة


وهذا موضوع كيف تتعلم الفرنسية


اللغة الفرنسية زى أى لغة بتتكون جملتها من فعل (verbe) و فاعل (sujet)
الفاعل ممكن يكون ضمير (pronom) أو إسم (nom)

و حانبدأ بالضمائر:

أنا ---------- je
أنت --------- tu
هو ----------- il
هى --------- elle
** ------------ on
نحن ------- nous
أنتم --------- vous
هم -------------- ils
هن ----------- elles


الضمير on وضعت بجواره ** لأن مالوش مرادف دقيق بالعربية فهو المقصود منه نحن أو هم أو مثلا حد مجهول فمثلا لو فيه شائعة منتشرة نقول on .


و بعد الضمائر نتكلم عن الأسماء :
الأسماء ممكن تكون علم زى أحمد Ahmed
و ممكن تكون معرفة (المعلم ، الموقع)
و ممكن تكون غير معرفة ( معلم ، موقع )


و فى الفرنسية كل كلمة معرفة أو غير معرفة تكون مسبوقة بال (article) (إلا العلم ) :
أولا الأسماء المعرفة (المسبوقة بألف لام فى العربية) :



المذكر المفرد -------------- Le
المؤنث المفرد -------------- La
الجمع المذكر و المؤنث ---- Les


الأسماء التى تبدأ بحروف (A , E , U , I , O) تكون مسبوقة فى حالة المفرد المذكر أو المفرد المؤنث فقط
ب ( L' ) بدلا من (Le - La )


ثانيا الأسماء غير المعرفة :
المذكر المفرد --------------- Un
المؤنث المفرد ------------- Une
الجمع المذكر و المؤنث ---- Des
ياللا بينا نتعلم بعض الكلمات علشان نطبق عليها الكلام اللى مش مفهوم ده :
رجل = homme
مرأة = femme
ولد = garçon
بنت = fille


و مبدئيا كل كلمة بالفرنسية فى صيغة الجمع يضاف إليها الحرف s إلى أن نتكلم عن الجمع بالتفصيل
فلما نيجى نطبق الكلام ده نقول
الرجل - الولد = L'homme - Le garçon
المرأة - البنت = La femme - La fille
الرجال - الأولاد - النساء - البنات =
Les hommes - Les - les garçons - les filles
رجل - ولد (غير معرف) = Un homme - Un garçon
مرأة - بنت (غير معرفة) = Une femme - Une fille
رجال - أولاد - نساء - بنات =
Des hommes - Des - Des garçons - Des filles


نيجى بقى على الأفعال :


هناك أفعال تخضع لقواعد زى بعضيها و هناك أفعال شاذة
و كل فعل له أصل (infinitif) زى ما الفعل يتعلم أصله علم مثلا
و سنبدأ بأهم فعلين فى الفرنسية و هم شاذين أى لا يخضعان لقاعدة و يحفظان :



أولا : verbe être)) و بالطبع "être" هو الأصل بتاعها (infinitif) :


و معناها verb to be بالإنجليزية و سنفهمه من سياق الآتى :
أنا رجل -------------- Je suis un homme
أنت رجل --------------- Tu es un homme
هو رجل ---------------- il est un homme
هى إمرأة ------------ Elle est une femme
(الغير محدد أو محددين) ------------- ... On est
نحن رجال --------- Nous sommes des hommes
أنتم رجال ----------------- Vous êtes des hommes
هم رجال --------------------- ils sont des hommes
هن نساء ------------------- Elles sont des
و طبعا مافيش جملة فى الفرنسية تخلو من الفاعل إلا الجملة التعجبية
علشان كده ماينفعش نقول (je homme) !!!
ثانيا : (verbe avoir) :


و معناها زى حد عنده أو معه حاجة يعنى بالإنجليزية
To Have و حنتعلم بعض الكلمات علشان نحطها فى الأمثلة :
تفاحة = Pomme (مؤنثة)
جنيه = Livre (مؤنثة)


و معنا الفعل سنفهمه من سياق الآتى :


أنا معى تفاحة -------- J'ai une pomme
أنت معك جنيه --------- Tu as une livre
هو معه تفاحة --------- il a une pomme
هى معها تفاحة ----- Elle a une pomme
(للغير محدد) --------------------------- on a
نحن معنا جنيه ---------------- nous avons une livre
أنتم معكم تفاحة ------------- Vous avez une pomme
هم / هن معهم/هن جنيه ----- ils / elles ont une livre


و نلاحظ أننا قلنا (J'ai) مش (Je ai) وذلك لأن كما قانا فى أول الدرس عن الأسماء حنقول عن الأفعال
نفس الشىء و حنحذف ال e من Je .
طاب و ليه حذفنا ال e بتاعت Je مش ال a بتاعت ai ؟
------< علشان ماينفعش نحذف حرف أبدا من أول الكلمة و ينفع من آخرها بينما اللغة الفرنسية تمنع
التقاء 2 (voyelles) اللى قلنا عنهم (E,A,U,O,I) فيجب حذف حرف منهما و هو ال e زى ما قلنا
L'homme مش Le homme علشان ال H لا تنطق فكأن ال e بعديها ال o و ده ما ينفعش

ارجو ان تنال اعجابكم
تقبلو تحياتي
نجم الدين

عيدكم مبارك عيدكم مبارك عيدكم مبارك

السلام عليكم ..شكرا على الموضوع...وفقك الله